navigation
Text schließen
Graffe

Zerscht war i glei in Swasiland
bei de Swasi gwenn
hob an Häuptling gseng
denkt hot er wia da unsrige
Koana hot´n meng

Z´Australien war im Hinterland
Aborigines
ham a rundes Gfries
runder ais wia des unsrige
ja gibts denn des

In Grönland war i dann a glei no
bei de Eskimo
Nasenwetzen do
sonst geht´s wia bei de unsrigen
a grad a so

Dann bin i in Hinterindien gwenn
bin am Ganges gleng
Kinder hob i gseng
glacht hams ais wia de unsrigen
Lustig is´s gwenn

D´Indianer ham mi dann aa no druckt
san im Kreiserl hockt
Feuerwasser schluckt
g´raucht hams ais wia de unsrigen
zünftig is´s gwenn

                                © Haglmo 2009